Banat ( Leaderboard Top ), pagematch: 1, sectionmatch: 1

Mieskapo nadakpan og balik

CEBU, Philippines - Menor edad nga mieskapo padulong sa hearing sa milabay’ng adlaw ang nabalik na kagahapon sa kaadlawon diha sa Operation Second Chance.

Si Inspector Merlina Metante mibutyag sa Banat News nga alas 2:45 sa kaadlawon kagahapon nadala nila balik ang menor de edad human madakpi sa mga tanod sa ilang barangay ug gidala sa Consolacion Police Station.

Ang menor matud pang Metante gimingaw sa iyang inahan tungod kay sukad sa pagkasulod niini diha sa nahisgutang institusyon tungod sa kasong theft walay miduaw kaniya.

Matud ni Metante nga gikan sa iyang pag-eskapo midiretso ang menor ngadto sa barangay Pulpogan, Consolacion aron makigkita sa iyang inahan apan gidemalas tungod kay wala na didto ang iyang inahan.

Ang menor milakaw   pagpabalik ug mitipon sa mga bata diha sa kadalanan nga iyang mga higala apan nakakita kini og away ngadto sa laing bata ug giuwang sa mga tanod sa Pulpogan.

Diha usab masuta nga mieskapo kini gikan sa OSC hinungdan nga gidala kini sa mga tanod ngadto sa police station. Si Metante midugang nga gikuha nila gikan sa Consolacion Police Station ang nahisgutang menor ug gipaubos sa counseling. (BANAT NEWS)

  • Follow Us: