Banat ( Leaderboard Top ), pagematch: 1, sectionmatch: 1

Mga tambalanan nangandam sa biktima sa pabuto

CEBU, Philippines - Nangandam karung higayuna ang Department of Health -7 ug tanang mga tambalanan nunot unya sa posibleng pagdagsa sa mga biktima sa pabuto atol unya sa pagsugat sa Bag-ong Tuig.

Si DOH-7 director Dra. Susanna Madarieta midasig sa publiko nga inay mogamit og mga firecrackers pagsabasaba pagsugat sa Bag-ong Tuig mas maayo nga recorded tape sa sound effects sa mga    firecrackers nga gipabuto ang            gamiton.

Ang recorded nga mga sound effects sa firecrackers gi-upload na kini karun sa DOH website ug mamahimong i-download o kopyahon sa publiko aron maoy gamiton pagsabasaba karong tungang gabii.

Matud pa sa direktor nga ang sipa sa pabuto ug recorded nga pabuto susama ra apan mas luwas sa peligro. Mas kusog kini kung adunay dagkong sound boxes.

Ang DOH nangusog sa ilang kampanya sa “Iwas Paputok” aron paglikay sa mga motumaw nga disgrasya sa mabuthan sa pabuto susama sa nahitabo sa mga nanglabay’ng katuigan.

Una nang gisugyot sa DOH ang paggamit og torotot inay sa pabuto apan gipadayag ni Madarieta nga dili usab kini luwas ilabi na sa mga bata nga kanunay moum-om niini sa baba.

Ang DOH mipaalerto na sa tanang mga pampublikong tambalanan nunot sa selebrasyon. Gipaabot nga mas modaghan ang mga nabiktima sa pabuto karong gabii hangtud ugmang kaadlawon tungod kay naandan nang mas daghan ang magpabuto panahon sa Bag-ong Tuig. (BANATNEWS)

  • Follow Us: