Ulitawo gipusil patay sa wa ilhi

CEBU, Philippines - Namatay diha-diha   ang usa ka ulitawo human kini pusila sa kriminal nga wala hiilhi nga nagsakay og motorsiklo didto sa waiting shed sa Sitio Tambis, barangay Poog siyudad sa Toledo sa miaging gabii.

Ang biktima mao si Emilio Briones Laurito Jr, 23, ulitawo, nga taga barangay Bunga           

 Subay sa inisyal nga imbistigasiyon nila ni PO3 Alexander Dimco sa Toledo City Police nasayran nga samtang nagbarug -barog ang biktima sa waiting shed kalit lang mi-abot ang suspek sakay sa motorsiklo nga way plate number dayung pusil makatulo ka higayon ngadto sa biktima   nga maoy hinungdan sa kamatayon niini.

Nakit-an sa mga saksi ang suspek nga nagdaling misibat pahilayo sakay sa iyang motorsiklo paingon sa Don Andres Soriano nga direksiyon.

Padayon pang gipangita sa kapolisan ang suspetsado.   (BANAT NEWS)