Banat ( Leaderboard Top ), pagematch: 1, sectionmatch: 1

Kapitolyo mihatag og kataposang higayon

CEBU, Philippines - Katapusang higayon nalang ang gihatag sa Kapitolyo ngadto sa kagamhanan sa dakbayan sa Sugbo labot sa pagsulbad sa isyu sa 93-1 tungod kay buot ni Gob. Gwendolyn Garcia nga “one-on-one” ang sabotsabot tali sa kagamhanan sa lalawigan sa Sugbo ug dakbayan sa Sugbo sa pagresolbar sa maong isyu.

Si Garcia mihingalan sa iyang consultant nga si Atty. Rory Jon Sepulveda nga maoy makigsabot-sabot kang City Administrator Jose Mari Poblete.

Giklaro ni Garcia nga bisan dili manginlabot ang dakbayan sa maong isyu, mahimo kining sulbaron sa Kapitolyo sanglit ang isyu naglambigit lang tali sa mga molupyo sa luna nga nasakop sa 93-1.

Matud pa ni Garcia nga anaa kanila ang alas sa pagkakaron ug ang pagsitar og mga kondisyon ug dili ang syudad sa Sugbo.

Sukwahi sa pamahayag ni Kong. Tomas Osmeña nga paabuton nalang ang sunod gobernador nga masulbad ang isyu, giklaro ni Garcia nga iya kining sulbaron sa dili pa mapupos ang iyang termino sa tuig 2013. - BANAT NEWS

  • Follow Us: