Banat ( Leaderboard Top ), pagematch: 1, sectionmatch: 1

Gwen nakigtagbo sa Anti-human trafficking advocates

CEBU, Philippines - Nakigtagbo si Gob. Gwendolyn Garcia ngadto sa mga miyembro sa Visayan Forum Foundation Inc., usa ka grupo nga nangampanya batok sa Human Traffickers dinhi sa nasud.

Matud pa ni Garcia nga ang mga opisyales sa Movement of Anti-Human Trafficking Advocates (MATA) miadto sa iyang buhatan aron sa pagpangayo og tabang human masayod nga gihingusgan sa lalawigan ang kampanya pinaagi sa pag-umol og anti-human trafficking task force.

Apil sa mibisita sa gobernadora ang laing grupong Wadah Foundation nga nagbase sa Jakarta-Indonesia nga nagprotiher usab sa kababayen-an ug mga ilang mga katungod.

Matud pa sa gobernadora nga ang maong mga foundation, nangayo kini og suporta sa kagamhanan sa Kapitolyo, mahitungod sa anti human trafficking advocacy niini.

Kini tungod kay gusto silang mo-penetrate sa academe pinaagi sa pagpahigayon og lectures ingon man orientations sa mga eskwelahan dinhi sa Sugbo.

       Dugang pa niini nga ang Wadah Foundation gikatakdang mopahigayon og International Global Conference karong sunod tuig sa Bali, Indonesia ug ilang gilaoman makatambong si Garcia. (BANAT NEWS)

  • Follow Us: