Banat ( Leaderboard Top ), pagematch: 1, sectionmatch: 1

Mga tanod sa Mandaue pasidunggan

CEBU, Philippines - Ang kapolisan sa dakbayan sa Mandaue mohatag og pasidungog sa mga barangay tanod nga nakatampo sa pagsulbad sa nagkalainlaing krimen nga naglakip sa pagpanulis, pagpatay ug uban pa.

Si Chief Inspector Edilberto Castaneda, hepe sa Presinto 2 sa Mandaue City Police Office (MCPO) nga nagbase sa barangay Subangdaku mibutyag sa Banat News sa tulumanon nga PNP Hour program sa DYKC radio niadtong miaging Sabado.

Matud pa niya nga giplano karon ni Senior Superintendent Mariano Natuel, director sa MCPO nga manghatag og award sa mga barangay tanod nga mitabang sa kapolisan sa pagsulbad sa nagkalainlaing krimen isip pag-ila usab sa ilang mga nahimo.

Dugang pa ni Castaneda nga bisan sa iyang area of responsibilities sa Presinto 2 nga gilangkoban sa mga barangay Subangdaku, Banilad ug Tipolo, ang mga barangay tanod dako kaayo og gikatampo sa pagpatuman sa kahapsay ug kalinaw.

Si Castaneda miingon nga bisan sa mga nahitabong pagpanulis sa PUJ ug pipila ka establisameto sa ilang dapit ang mga barangay tanod nakatabang sa paghipos og kasyoran bahin sa nahimutangan sa mga suspetsado hinungdan nga nadakpan kini.

“Atong nasulbad ang nahitabong tulis sa usa ka bakery ug mga PUJ pinaagi sa pagkasikop sa mga suspetsado ug nabalhog sa bilanggoan, kay mitabang man ang mga barangay tanod sa pagpangapkap og mga kasayoran bahin sa nahimutangan sa mga suspetsado”, dugang pa ni Castaneda. – BANAT NEWS

  • Follow Us: