Banat ( Leaderboard Top ), pagematch: 1, sectionmatch: 1

'Pusher' nasikop sa Carcar

CEBU, Philippines - Usa ka suspetsadong drug pusher ang nasikop sa gipahigayong buy-bust operation sa kapolisan sa dakbayan sa Carcar niadtong Sabado sa hapon diha sa sitio Cambuntan, barangay Bolinawan sa nahisgutang siyudad.

Ang nasikop mao si Jhazan Matugas, 29, residente sa lugar, nagtingkagol karon sa Carcar detention cell human kini makuhai og lima ka paketeng gituuhang shabu nila ni PO3 Alex Paden, PO3 Rolando Gantuangco, PO1 Julius Anenon ug PO1 Alex Buanghog atol sa maong operasyon.

Si PO1 Gilmer Noval and duty desk officer sa Carcar Police Station sa pakighinabi sa Banat News nagkanayon nga si PO1 Buanghog maoy gihimo nilang poseur buyer.

Human matunol ni Matugas ang usa ka paketeng shabu ug nabayran ni Buanhog sa marked money nga P250 gisignit dayon nila kini ug dihang girekisa nakuhaan kini og dugang siyam ka pinaketeng gidudahang shabu.

Si PO1 Noval nagkanayon nga si Matugas ang nadungog na sa ilang lugar nga tigpamaligya og shabu ug nalakip kini sa watch list sa Carcar Police Station. – BANAT NEWS

  • Follow Us: