Kombento gilungkab

CEBU, Philippines - Hasta ang kombento wala palabya sa mga kawatan human nila gilungkab ang pinuy-anan sa mga pari sa Mabolo Parish Church kagahapon sa buntag.

Si PO3 Larry Mausisa sa Mabolo Police Station miila sa nabiktima sa lungkab nga si Father Glenn Therese Guanzon, 42, parish priest sa Mabolo Parish Churh.

Usa ka wala magpailang sakristan maoy nagpa-blotter sa maong insidente mga alas 9:00 sa buntag human mahanaw ang P15 mil ug duha ka cellphone sa maong pari.

Matud pa giguba sa kawatan ang lock sa pultahan sa lawak sa maong pari ug gikuha ang maong mga butang. - BANAT NEWS