Banat ( Leaderboard Top ), pagematch: 1, sectionmatch: 1

2 ka polis angol sa aksidente

CEBU, Philippines - Duha ka sakop sa Regional Mobile Group (RMG-7) naangol human aksidenting nagkabangga sa gikasugat nga trak de karga nga puno sa softdrinks ug beer sa kurbadahon nga bahin sa barangay Dalid, lungsod sa Tabuelan niadtong Martes sa alas 3 sa hapon.

Ang mga naangol mao ang drayber sa Honda XRM nga si PO1 Ruel Pelones, taga Lamintak Sur Medillen ug angkas niining si PO1 Reymund Almonicar, molupyo sa Sta. Fe, isla sa Bantayan ug pulos nadestino sa RMG-7 nga nagbase sa barangay Campuot, Tuburan. Ang drayber sa trak de karga nga puno sa softdrinks ug beer mao si Jason Garay Nuena, molupyo sa barangay Luyang, Carmen.

Matud ni Insp. Florendo Fajardo, hepe sa Tabuelan Police Station sa dihang nahinabi sa Banat News nga ang duha ka polis gikan sa detachment sa Tuburan sa dihang gikasugat ang trak de karga gikan sa siyudad sa Sugbo ug paingon sa Tabuelan wharf aron mosakay paingon sa isla sa Negros.

Daling gitabang ang duha ka polis ug gihatod sa Chong Hua Hospital. Subay sa impormasiyon sa kapolisan, operahanan silang PO1 Pelones ug PO1 Almonicar. (BANATNEWS)

  • Follow Us: