CEBU, Philippines – Nasikop sa kapolisan sa dakbayan sa Mandaue sa miaging gabii ang mipatay kang Engr. Antonio Sanchez sa maong dakbayan. Siya mao si Melchor Sitenta Jr., 22, ulitawo, nga taga barangay Alang-Alang sa maong dakbayan. Nasikop kini human pusila patay si Rocky Sinda, 25 , nga taga Maguikay, sa maong dakbayan nga usa ka dispatser. Matud pa sa kapolisan nga duha ka kasong pagpatay ang atubangon ni Sitenta ug karon nagpahayahay na kini sa prisohan sa kapolisan sa maong dakbayan. – Romeo T, Limpangog (BANAT NEWS)
