16-anyos 'gitabangan' sa 2 ka bayot

CEBU, Philippines – Duha ka bayot nga gipasanginlan nga mitabang og molestiya sa usa ka 16-anyos nga bayong-bayong nilang silingan gipanakop sa miaging udto sa sitio Alumnos, barangay Basak-San Nicolas.

Giila ang duha ka bayot nga sila si Judiben Cabillo alyas Chique, 19, ug Bambi Llamas, 34, nga pulos mga silingan sa bayong-bayong nga giingong ilang gitabangan og panamastamas.

Si Merilyn Navarro, women’s desk sa barangay Basak-San Nicolas mitug-an sa Banat News nga ang amahan sa 16-anyos nga biktima maoy midala sa duha ka bayot ngadto sa barangay hall aron patug-anon kun tinuod ba ang gitug-an sa bata nga gihinol ang kinatawo niini ug pagkahuman “giduwaan” sa baba sa bayot. Atol sa panag-atubang, silang Cabillo ug Llamas mitug-an sa ilang gibuhat.

Si Cabillo nga nahinabi sa Banat News nagkanayon nga niadtong miaging adlaw sa alas 12 sa udto, nakit-an nila ang 16-anyos nga nagbaragbarag tungod sa kahubog samtang miagi sa ilang tungod.

Matud ni Cabillo nga ilang gitawag ang bayong-bayong ug gipalingkod sa ilang gi-estambayan. Dugang pa niya nga samtang nag-estorya-estorya sila, giablihan ni Llamas ang zipper ug gimolestiya kini.

Sumala pa ni Cabillo nga nagkalingaw usab siya og halok sa batan-on, samtang si Llamas nagmaniobra sa ubos nga bahin.

Apan matud pa ni Llamas sa dihang nahinabi sa Banat News nga gikapuyan siya og molestiya sa batan-on tungod sa kadugay hinungdan nga milakaw siya ug si Cabillo na lang ang nahibilin.

Apan nangangkon si Cabillo nga ang 16-anyos nanamastamas usab kaniya pinaagi sa pakighilawas niya agi sa “luyo” ug gipahubo unta siya, apan wala siya mosugot.

Si Romy (tinuod nga ngalan ug apelyido gipugngan), ang amahan sa batan-on, midemanda og P10 mil kada usa kanila ni Cabillo ug Llamas isip bayad sa kaulawan nga nahiagoman sa iyang anak, isip areglo aron dili na mapasaka ang mga kaso. “Dili man sa ingon nga nanguwarta ko, angay lang gyud na sila nga patagamon,” si Romy nagkanayon.

Sumala pa ni Romy sa dihang nahinabi sa Banat News nga ang ig-agaw na sa batan-on ang mitug-an kaniya sa nahiagoman sa iyang anak human siya nagpangutana tungod sa pagluya-luya sa biktima.

Silang Cabillo ug Llamas gi-tanggong karon sa karsel sa Cebu City Police Office human gi-refer sa barangay Basak-San Nicolas ang maong kaso ngadto sa kapolisan. Apan ang Women’s Desk Section sa CCPO nagpaabot sa biktima nga mopasaka og reklamo aron masang-at usab ang kaso batok sa duha ka bayot ngadto sa piskaliya. – BANAT NEWS