Nangrecruit og prostitute gipriso

CEBU, Philippines – Gisikop sa kapolisan sa dakbayan sa Lapulapu ang usa ka tawo kinsa giingong nang-recruit og mga babaye aron mahimong ‘prostitute’ o trabahong makighilawas sa mga lalaki. 

Ang suspetsado mao si Daniel Sulpicio, hingkod, minyo, nga taga barangay Agus sa maong dakbayan ug nangangkon nga manager sa usa ka recruitment agency.

Si PO1 Leon Gesim sa Lapulapu sa maong dakbayan miingon nga nag-atubang og kaso nga kalapasan sa Republic 9208 kon illegal human trafficking ug harboring children on sexual services ang suspek.

Ang pagkasikop sa suspek nahimo human moreklamo ang usa ka minor de edad nga babaye nga giingong gihaylo sa suspek nga hatagan og trabahong desente apan diay alang sa pagbaligya sa iyang (babaye) lawas ang maong trabaho.

Matud pa ni PO1 Gesim nga kun mamatud-an, hayan nga walay piyansa nga irekomendar alang sa temporaryong kagawasan sa suspek. – BANAT NEWS