Banat ( Leaderboard Top ), pagematch: 1, sectionmatch: 1

Dili tanan sa P0.83 paninglon - VECO

CEBU, Philippines - Gipahibawo sa Visayan Electric Company (VECO) nga dili gyud ang kinatibuk-ang P0.83 sentimos matag kilowatt hour nga usbaw ang mapatik sa billing sa kuryente sa mga konsumidor karon sunod bulan sa Abril.

Sumala pa sa tigpamaba sa VECO, Ethel Natera, di lang National Power Corporation ang nag-supply sa kuryente sa VECO. Ang NAPOCOR mipasaka og petisyon nga mopausbaw bali og P0.83 sentimos matag kilowatt hour sa ilang power rate.

Busa walay angayang kabalak-an ang mga konsumidor niini tungod kay di tibuok P0.83 sentimos ang mamahimong usbaw sa matag kilowatt hour sa konsumo.

Si Natera nagkanayon nga gawas sa NAPOCOR, ang VECO nagsalig usab sa uban pang mga independent power generators nga nagbase dinhi sa Sugbu ug nag-suplay kanila sa enerhiya sa kuryente.

Dugang pa ni Natera nga ang maong lakang gihimo sa VECO aron dili kaayo maapektohan ang mga konsumidor ilabi na sa nasinating krisis karon sa tibuok nasud sa Pilipinas. (BANAT NEWS)  

  • Follow Us: