Banat ( Leaderboard Top ), pagematch: 1, sectionmatch: 1

Patay milutaw sa fishpond

CEBU – Usa ka patay'ng lawas sa tawo ang nakit-an nga naglutaw sa fish pond sa barangay Tambongon lungsod sa San Remegio niadtong Sabado sa alas 6:45 sa buntag.

Ang barangay kapitan sa Tambongon nga si Kapitan Casiano Becari maoy nipahibawo sa kapulisan sa maong patay'ng lawas ug sa gihimong pagkisusi sa mga polis ang maong patay'ng lawas giila nga si Ruben Cabalikan Cortiz, 49, molupyo sa barangay Lambosan.

Matud ni PO2 Randy Sibay sa San Remegio Police dihang nahinabi sa Banat News ang biktima didto kini makit-i sa fishpond nga gipanag-iya sa usa ka Bello Terana.

Atol sa gihimong  pagsusi sa municipal health officer nga si Edgar Espinosa sa lungsod ug tungod sa samad sa walang bahin sa nawong girekomendar niya kining ipaubos sa autopsy pagsuta kun wala bay foul play.

Apan matud pa ni PO2 Sibay sa autopsy report ni Dr. Nestor Satur sa PNP Crime Lab, pagkalumos maoy gikamatyan sa biktima ug walay nakitang timailhan sa foul play. ­–BANAT NEWS

  • Follow Us: