Banat ( Leaderboard Top ), pagematch: 1, sectionmatch: 1

Luwas na ang Cebu sa bagyo

Giklaro sa mga tinugyanan sa PAG-ASA-Mactan nga luwas na sa gikahadlokang tulo ka mga bagyo ang Sugbu nga una nang gika-report nga moigo karung semanaha.

Kini human gibutyag ni Oscar Tabada sa Pag-asa Mactan nga tungod sa daghang mga weather disturbances wala mahinayun ang nahaunang forecast sa posibleng pagbalik dinhi sa nasud partikular na sa Sugbu sa bagyong Lando nga gikatahung mo-merge sa bag-ong naporma nga tropical depression nga si Nonoy.

Matud ni Tabada gilibkas na ang tropical storm signal human sa hinayhinay nga pagbiya dinhi sa nasud sa bagyong Mina nga bag-ohay lang nikusokuso didto sa Bicol region ug ubang bahin sa Northern Luzon.

Samtang ang bagyong Lando nag-anam kini karun og palayo dinhi sa Pilipinas ug gani kagabii nasigpatan kini nga atua na sa Bera Catanduanes ug karung buntag mopaingon na kini sa Pacific Ocean.

Samtang ang bag-ong naporma nga tropical depression nga si Nonoy nahimutang kini 1,400 kilometros east of Northern Luzon.

Gumikan niini gipahibalo ni Tabada nga wala nay piligro ug luwas na ang Sugbu ingon man ang ubang dapit sa nasud sa una nang gikareport nga tulo ka bagyo nga moigo karung semanaha. 

  • Follow Us: