Nahabwa ang tinai sa nadunggaban nga lalaki
July 4, 2005 | 12:00am
Nahabwa gayod ang tinai sa usa ka lalaki nga biktima sa pagpanunggab sa silingan usab niini nga kinsa miulbo sa kasuko sa giluwatan niining mga pulong nga nagkomedya ug dali kining gidala sa tambalanan.
Ang pagpanunggab nahitabo ala 1 pasado ang takna sa miaging kaadlawon didto sa sitio Sta. Maria sa barangay Pusok, siyudad sa Lapu-Lapu.
Giila ang biktima nga mao si Algier Pareno Banez, hingkod ang panuigon, minyo nga nagtrabaho isip sapataero nga nagpuyo usab sa nahisgotang dapit ug lumad nga taga Poblacion, Valencia, Bukidnon.
Si Leo Dayon, hingkod ang panuigon, minyo nga nagpuyo usab sa maong dapit ug silingan sa giabangang panimalay sa biktima maoy nakadunggab niini kinsa dali usab nga nakasibat pahilayo sa maong dapit.
Sa nahibaw-an sa Banat News gikan kang P03 William Jumoc, sakop sa homicide section sa kapolisan sa dakbayan sa Lapu-Lapu nga gawas sa nayabyab nga tiyan sa biktima ang liog niini ang lakip usab sa nasamad sa tuong dughan ug bukobuko.
Dugang pa ni P03 Jumoc nga nag-inom ang biktima ug ang suspetsado didto sa maong dapit uban sa pipila ka mga lalaki nga silingan kinsa nagdula usab og baraha nga maoy ilang kalingawan.
Daw wala makaantus sa gipasupot nga komedya ang suspetsado nga maoy hinungdan sa ilang panaglalis hangtod nga nakahigayon kini sa pagkuhag kutsilyo gihansak sa makadaghang higayon.
Dugang pa ni P03 Jumoc nga ilang gipangita karon ang suspetsado ug gihikay na nila ang kaso batok sa nahisgotang suspetsado.
Ang pagpanunggab nahitabo ala 1 pasado ang takna sa miaging kaadlawon didto sa sitio Sta. Maria sa barangay Pusok, siyudad sa Lapu-Lapu.
Giila ang biktima nga mao si Algier Pareno Banez, hingkod ang panuigon, minyo nga nagtrabaho isip sapataero nga nagpuyo usab sa nahisgotang dapit ug lumad nga taga Poblacion, Valencia, Bukidnon.
Si Leo Dayon, hingkod ang panuigon, minyo nga nagpuyo usab sa maong dapit ug silingan sa giabangang panimalay sa biktima maoy nakadunggab niini kinsa dali usab nga nakasibat pahilayo sa maong dapit.
Sa nahibaw-an sa Banat News gikan kang P03 William Jumoc, sakop sa homicide section sa kapolisan sa dakbayan sa Lapu-Lapu nga gawas sa nayabyab nga tiyan sa biktima ang liog niini ang lakip usab sa nasamad sa tuong dughan ug bukobuko.
Dugang pa ni P03 Jumoc nga nag-inom ang biktima ug ang suspetsado didto sa maong dapit uban sa pipila ka mga lalaki nga silingan kinsa nagdula usab og baraha nga maoy ilang kalingawan.
Daw wala makaantus sa gipasupot nga komedya ang suspetsado nga maoy hinungdan sa ilang panaglalis hangtod nga nakahigayon kini sa pagkuhag kutsilyo gihansak sa makadaghang higayon.
Dugang pa ni P03 Jumoc nga ilang gipangita karon ang suspetsado ug gihikay na nila ang kaso batok sa nahisgotang suspetsado.
BrandSpace Articles
<
>
- Latest
- Trending
Trending
Latest
Trending
Recommended