Sa mga palaliton DTI nanawagan alang pagbantay sa presyo

Bohol - Nanawagan karon ang kadagkuan sa Department of Trade and Industry kon DTI sa mga konsumidor nga mutabang sa pagbantay aron dili pahimudsan sa mga negosyante ang pagpasaka sa presyo sa mga nag-unang palaliton.

Si Regional Director Asteria Caberte sa DTI-7 miingon nga samtang ang ilang buhatan mihimo karon sa halapad nga kalihukan pagbantay niadtong mga malapason angayan nga mutabang kanila ang publiko.

Daghan karon ang nabalaka sa pagtaas sa presyo sa nag-unang palaliton human usab musaka ang presyo sa lana og uban pang produkto nga petrolyo.

Gawas niini gikabalak-an usab nga mupahimulos ang mga negosyante sa maong sitwasyon.

Hinuon ang mga opisyal lokal mipasalig nga gimanduan nila karon ang ilang tagsatagsa ka mga price coordinating council.

Nahibaw-an nga ang mga miyembro niini mao karon ang gitahasan sa pagpabantay sa presyo sa mga nag-unang palaliton.