Babaye, laing 2
CEBU, Philippines — Nasikop sa mga sakop sa City Intelligence Branch (CIB) sa Lapu-Lapu City Police Office (LLCPO) ang tulo ka gikatahapang pushers og shabu nga naglakip sa usa ka babaye sa buy-bust operation nga ilang gihimo. Ang babaye giila nga si Jocelyn Simbajon, hingkod, taga Sitio Ylaya, Marigondon, kinsa nasakmitan og walo ka gagmay nga pakete sa shabu.
Si Senior Inspector Genesis Aniversario sa CIB sa LLCPO niingon nga dugang nilang nasakmit gikan sa dinakpan ang P500 nga marked money ug P400 nga gituohang halin sa ilegal nga negosyo.
Dugang nadakpan mao ang duha ka gikatahapang pusher og shabu sa Barangay Pajac atol sa buy-bust operation alas 6 pasado sa buntag sa niaging adlaw.
Giila ni Aniversario ang ilang nadakpan nga sila si Randy Calo, 38, ug Marlou Bucog, 41, pulos nagpuyo sa maong dapit.
Matud ni Aniversario nga nasakmit kang Calo ang 10 ka gagmay nga pakete sa shabu ug usa ka medium size uban sa P500 nga marked money ug laing P500 nga gituohang halin. Nasakmit usab kang Bucog ang usa ka medium size nga shabu nga ang tanan nagtimbang og 2.4 gramos nga mokabat sa P28,320. (BANAT NEWS)
- Latest
