Nasakmitan og mga tinda gi-seminar
CEBU, Philippines — Dili mominus sa 40 ka manindahay sa Dakbayan sa Sugbo niadtong Domingo atol sa Sinulog ang nasakmitan og mga kagamitan sa paninda ang gipaubos sa seminar.
Ang seminar gipangulohan ni Raquel Bohol-Arce, ang pangulo sa Prevention, Restoration, Orderly, Beautification, Enhancement (PROBE) Team, human sa Fiesta Señor.
Matud ni Arce nga daghan sa mga manindahay nga walay permit ang gisakmitan nila sa mga lamesa, bangko ug mga coolers.
Sumala pa ni Arce nga aduna nay mga manindahay ang nanguha na sa ilang mga kagamitan ang gipaubos nila sa seminar ilabi na sa mga angay ug dili angay nga buhaton ilabi na sa mga manindahay sa siyudad.
Dugang pa ni Arce nga tanan mga nikuha sa ilang mga kagamitan ang nakamulta gyud og P500 matag usa gawas lang sa mga balloons kay nihiyos na man.
Gitug-an ni Arce nga ang ilang gihimo mao lang ang pagsunod sa kamanduan nga mao ang paglimpyo sa kadalanan ilabi na sa maagian sa rota sa prosesyon ug Sinulog grand parade.
Aduna pay nasakmit ang PROBE nga wala pa kuhaa sa mga tag-iya. (GMR) (BANAT NEWS)
- Latest
