Driver sa van nga naaksidente gikiha na
CEBU, Philippines — Gipaubos na sa inquest proceeding kagahapon ang drayber sa van nga nibangga sa usa ka kahoy nga niresulta sa kamatayon sa pito ka sakay niini sa Lungsod sa Alegria niadtong Sabado.
Si Gilbert dela Cruz nag-atubang og kasong reckless imprudence resulting to multiple homicide and serious physical injuries.
Siya gi-inquest kagahapon ni Fiscal Raymond Allera sa Provincial Prosecutor’s Office.
Apan si dela Cruz mas nipili nga adto lang sa korte tubagon ang iyang giatubang nga kaso.
Ang mga biktima padulong unta sa Kawasan Falls sa Badian dihang pag-agi sa Alegria nibangga ang sakyanan.
Ang mga sakay nga mga doctors ug nurses ang mopahigayon pa unta og medical mission sa Camiguin Island niadtong Lunes apan nihapit sila sa Sugbo aron pagsuroy.
Si Dela Cruz, 44-anyos, niangkon nga nakatulog siya sa pagmaneho sanglit upat na kini ka adlaw nga sunod-sunod nga nag-drive ug niadtong higayona usa ra ka oras ang iyang tulog
Si Joselito “Boboi” Costas, ang pangulo sa Provincial Tourism Office, nagkanayon nga kinahanglan og balaud nga magtugot sa kagamhanan sa probinsiya sa pag-monitor sa mga transport services alang sa turismo sa pagseguro nga luwas ang mga turista.
Apil na niini ang pagsusi sa background sa driver.
Matud ni Costas nga sa pagkakaron ang Department of Tourism-7 ang mohimo og accreditation sa mga tourist transportation services.
“I think kinahanglan sad seguro nato if that ordinance or law will be passed or enacted pag-control pud sa van sa province kay wala may nakakita sa situation sa province kun dili kita sa Provincial Tourism kay mas naa man ta sa ubos,” matud ni Costas. (GMR) (BANAT NEWS)
- Latest
