Tindero og sapatos gipusil sa kustomer
CEBU, Philippines — Gipusil sa wala hiilhing mamumuno ang tindero og mga sapatos human siya nakiglalis sa iyang kustomer sa may ilawom sa flyover sa Tabunok, Dakbayan sa Talisay niadtong Lunes sa gabii.
Ang biktima mao si Madid Ameril, 62-anyos, minyo nga nagpuyo sa Sitio Mananga 2 sa maong barangay.
Si PO2 John Xyrus Ilustrisimo sa Talisay City Police Station nibutyag nga nag-display sa iyang mga baligya ang biktima dihang nakakita og lalis.
Pipila ka minutos ang nakalabay nakadungog na lang og sipa nga buto sa armas ug nabantayan sa biktima nga naigo ug nagkadugo na ang iyang walang tudlo. Gumikan sa kadaghan sa mga tawo wala na sila nasayud kun kinsa ang tawo nga nagpabuto sa armas.
Gawas sa naigo nga tudlo, wala na nasundi og laing buto sa pagpamusil ug gidala sa Talisay City District Hospital ang biktima.
Matud ni Ilustrisimo nga ilang suwayan sa pagpakighinabi ang biktima kun unsa gyud ang gilalisan nila sa iyang kustomer ingon man kun nakaila ba siya sa dagway sa iyang gikalalis. (GMR) (BANAT NEWS)
- Latest