Way jeepney phaseout, PISTON magprotesta
CEBU, Philippines — Gipasidan-an sa mga labaw sa Land Transportation Office ang mga transport groups nga walay kamatuoran ang ilang kabalaka nga jeepney phaseout.
Si LTO Assistant Secretary Edgar Galvante kinsa nia karon sa Cebu alang sa turnover ceremony sa bag-ong natudlong LTO-7 regional director Victor Caindec, miingon nga imbes magsige og protesta sa dalan ang mga drayber ug operators mas maayong mokooperar sila sa programa sa gobiyerno aron makapalit sila og bag-ong jeepney nga environment-friendly ug cost-efficient.
“Wala namang jeepneys phaseout. Papalitan lang yung mga luma na and compliant sa environmental standards yung mga sasakyan,” matud pang Galvante atol sa turnover ceremony.
Ang Pinagkaisang Samahan ng mga Tsuper at Operators Nationwide-Cebu Chapter gikatakdang maghimo og transport protest karong adlawa.
Matud pa ni PISTON-Cebu chairman Greg Perez duha ka oras lang ang ilang transport protest nga apilan sa ilang mga drayber nga miyembro og kababayen gikan sa cause-oriented groups ug urban poor sector.
Manukad sila sa Mabolo, Cebu City ug momartsa padung sa Land Transportation Franchising and Regulatory Board-7. Matud niya dungan kining ilang kalihokan sa buhaton ngadto sa Manila.
Nahadlok silang makulban og kaldero tungod sa pagdili na makapamasahero ang 15 ka tuig pataas na nga mga jeep pasaheroan tungod sa transport modernization program sa gobiyerno. Gawas pa niini, iapil nila sa protesta ang oil price hikes ug manawagan sila pagpabasura sa TRAIN law.
Sa iyang speech, si Caindec miingon nga iyang suportahan ang mga repormang gustong ipatuman ni Presidente Duterte pinaagi sa pagpasayon ug paspas nga transaksyon diha sa LTFRB-7. (Gikan sa The Freeman/IBM) (BANAT NEWS)
- Latest
