Laing 14 container vans gisakmit sa BOC

CEBU, Philippines — Laing hugna na usab sa pagpangabli sa gidudahang mga container vans nga gisudlan og mga kontrabando nga gipalusot unta diha sa adwana ang giablihan ni Bureau of Customs Commissioner Isidro Lapeña kagahapon.

Ang 14 container vans gikatahong gisudlan og mga misdeclared, misclassified, undervalued goods ug nakalapas  sa Intellectual Property Rights.

Si Lapeña mihimo og spot checked sa  upat ka  container vans aron pagsusi kon sakto ba ang nakabutang sa dokumento sa sud niini.

Ang 14 container vans adunay sud nga ACC blocks, used CKD truck parts, laboratory furnitures, steel poles, brake shoe disc pad, brake lining and clutch facing.

Matud ni Lapeña ang mga importers  nga mi-misclassified sa ilang shipment pabayron og 250 percent sa ilang gibayrang buhis diha sa adwana.

Sa pikas bahin, milingkod na ang bag-ong natudlong BOC-Cebu district collector nga si Collector Elvira Cruz human nga nibalik na sa iyang pwesto isip BOC-Cebu deputy collector for administration ang OIC district collector nga si Wivina Pumatong.

Si Cruz nadestino na kaniadto isip kolektor apan gihulipan ni Pumatong kinsa maoy senior sa adwana apan karon gipabalik siya ug misaad nga tarungon niya ang pagdala sa BOC-Cebu.

Si Lapeña mipasidaan ni Cruz nga tarungon ang pagdala sa Port of Cebu ug padak-on ang makolektang buhis.

“Your performance before is somewhere in the median. I expect you to  deliver a better peformance with your coming back to the Port of Cebu. I expect you to deliver and you won’t fail me as what you have said,” kusganong awhag ni Lapeña kaniya.