Fiesta Señor malampuson
CEBU, Philippines — Mahinangpon ug mapasalamaton ang kaparian nga Agustino sa kalampusan sa mga kalihukan sa Fiesta Señor gikan sa pagsugod sa nobenaryo hangtud sa kapistahan.
Matud ni Fr. Genesis Labana, pangulo sa BSMN Media Center, nga mapasalamaton sila sa tanang tawo nga niapil sa mga kalihukan sa Fiesta Señor ilabi na ngadto sa mga sakop sa media ug sa mga volunteers nga nitabang aron masabwag ang ilang kalihukan.
Sumala pa ni Labana nga dako ang iyang pasalamat sa mga volunteers gikan sa lain-laing tunghaan ug sa mga tigbalita sa Sugbo sa usa ka malampuson nga pagpaabot sa mga panghitabo ngadto sa katawhan ilabi na kadtong dili makatambong sa kalihukan ug anaa sa lain-lain nga lugar.
Malaumon si Labana nga susama gihapon ang ilang kalampusan nga maangkon sunod tuig uban sa ayuda gihapon sa katawhan.
Samtang si Fr. Ric Reyes, secretary sa Fiesta Señor 2018, mapasalamaton sab sa tanang tawo nga nakatampo alang sa kalampusan sa kapistahan ug sa mga kalihukan niini. (BANAT NEWS)
- Latest