Dunay klase sa Cebu City

CEBU, Philippines — Alang niadtong mga nangutana kon adunay klase o wala karong adlawa dinhi sa dakbayan sa Sugbo, si Cebu City Mayor Tomas Osmeña miingon dunay klase karong adlawa.

Matud pa niya  wala siya'y otoridad nga mopasuspenso o modeklarar nga wala'y klase kay matud niya ang nasudnong kagamhanan lang ang makahimo niini.

Base sa balaod, mamahimo lang makadeklarar og suspension sa klase ang mga local chief executives kon adunay katalagman sa ilang dapit kay kinahanglan niining protektahan ang ilang mga konstituwente.

"Not my power, it's the national (government). I can only declare disaster like that bagyo to stop but not Sinulog. I have no authority to declare a holiday. Even I want to I have no authority," dugang pasabot sa mayor.

Apan nasayran nga sa usa ka semana sa wala pa ang Sinulog aduna nay mga tunghaan nga wa nay tarong ang klase tungod kay gihimong temporaryong kapuy-an sa mga out of town contingents ang pipila ka mga classrooms sa mga public schools.

Samtang si Lapu-Lapu City mayor Paz Radaza sa iyang bahin miingon nga way klase sa tanang level sa pangpublikong tunghaan gawas lang sa kolehiyo karong adlawa, samtang ang mga pribadong tunghaan sila ray magbuot kon magklase sila o dili. (BANAT NEWS)