9 sikop sa Oplan Limpyo Danao

CEBU, Philippines — Nasikop ang siyam ka tawo sa lima ka buy-bust operations sa kapolisan sa Dakbayan sa Danao subay sa Oplan Limpyo Danao nga gipangulohan ni Police Supt. Jaime Quiocho Jr.

Ang buy-bust operations gipahigayon sa Juan Luna Street, Barangay Poblacion, National Road Barangay Guinsay, ug Beatriz Village, Barangay Poblacion niadtong Huwebes sa hapon hangtud sayo kagahapon sa kaadlawon.

Ang mga nasikop mao sila si Alexander Mata, 32; Jude Jay Resolado, 24; John Dexter Burne, 18; Thomas Renzo Bayo, 18; Rholan Giangan, 27; Sheira Mae Rose Capuyan, 29; Winston Cañete, 29; Carl Mico Armenteros ug Danica Jean Tapayan, 23-anyos.

Nasakmit gikan sa mga dinakpan ang 15.25 gramos nga shabu nga balor sa dul-an sa P180 mil lakip ang dili mominus P5,000 nga kwarta.

Ang mga dinakpan naila nga bag-ong mga street level pushers hinungdan nga si Quicho nipahimangno sa mga bag-ong players nga moundang sa ilegal nga kalihukan kay ila gyud kining gukdon ug segurado gyud kini silang mabulok sa bilanggoan. (BANAT NEWS)