Bag-ong pro-7 director nilingkod na
CEBU, Philippines — Nilingkod na ang bag-ong director sa Police Regional Office-7, Chief Supt. Robert Quenery hulip kang Chief Supt. Jose Mario Espino.
Si Espino gibalhin sa PRO-10 (Northern Mindanao) samtang si Quenery gikan sa PRO-2 (Cagayan Valley).
"I feel excited to be of service of Santo Niño. As a devote Catholic, I am happy to celebrate it (Fiesta Señor) for the first time in Cebu and to pray the safety of all the devotees coming over in Cebu City," matud ni Quenery.
Gitataw sa opisyal nga wala siya’y usbon sa plano sa seguridad alang sa Fiesta Señor ug Sinulog 2018 nga gipasiugdahan ni Espino.
"I am hopeful and confident that the security and safety preparations are in place already. Walang babaguhin," matud ni Quenery.
Si Espino kasamtangang naka-leave og tulo ka adlaw isip bag-ong director sa PRO-10 aron humanon ang siyam ka adlaw’ng nobenaryo ug sa uban pang kalihukan sa Fiesta Señor ingon man ang Sinulog 2018. (BANAT NEWS)
- Latest
