SFI nipahimangno sa mga contingents
CEBU, Philippines — Mopatuman og ilang lagda ang Sinulog Foundation, Inc. alang sa mga contingents, floats, higantes ug puppeteers atol sa grand parade.
Atol sa solidarity meeting nga gipahigayon sa SFI, sila nipahinumdum nga kinahanglan ang mga propsmen ug support staff adunay arm band, ID o uniform tungod kay dili sila makasulod sa rota kung wala sila niini.
Matud sa pangulo sa Local Youth Development Office ug Sinulog Program Director Jess Anthony Dela Cruz nga kung ang lakip sa grand parade adunay mga artista kinahanglan nilang mag-andam og kaugalingong cordon ug security personnel.
Kinahanglan sab nga adunay tubig alang sa mga dancers, medical team ug ambulansya ang matag contingent.
Gawas sa pagkab-ot sa engrande nga parada, usa sa ilang gusto matuman ang kalimpyo sa rota sa parada.
Tungod niini ang SFI nimando nga kinahanglang magdala sa tanan lakip sa parada ug transparent garbage bag.
Samtang matud ni SFI Executive Director Ricky Ballesteros nga gawas sa Cebu Provincial Capitol ug San Diego Dance Company nga mga guest performers, ila sab gidapit ang Sinanduloy Cultural Troupe nga mopasundayag sa ilang talento atol sa grand parade ugmang adlawa. (BANAT NEWS)
- Latest
