Bag-ong konsehal sa Dumanjug nanumpa
CEBU, Philippines — Nanumpa na ang bag-ong konsehal sa Lungsod sa Dumanjug nga si Mansueto Dupal-ag.
Siya ang nipuli sa nabakanteng pwesto human si Konsehal Cesar Baricuatro nisaka sa pagka-bise mayor samtang si Bise Mayor Rene Asentista na ang mayor nunot sa pagkatangtang sa serbisyo ni Mayor Efren Guntrano Gica.
Si Baricuatro ug Asentista una na nga nakapanumpa sa tagsatagsa nila ka katungdanan sayo karong buwana.
Si Gica gitangtang sa Ombudsman gikan sa serbisyo nunot sa kasong pagpaburot sa kantidad sa resibo sa ilang gikaon sa opisyal nga lakaw sa usa ka kan-anan sa Dakbayan sa Sugbo niadtong tuig 2014.
Kagahapon, si Dupal-ag nanumpa kini atubangan ni Gobernador Hilario Davide III sa Dumanjug.
Nisaksi sa pagpanumpa ni Dupal-ag sila ni Bise Gobernador Agnes Magpale, Kongresista Peter John Calderon sa ikapitong distrito sa Lalawigan sa Sugbo, Provincial Board Member Christopher "Dong" Baricuatro, Mayor Asentista ug ang napalagpot nga si Gica. (GMR) (BANAT)
- Latest
