Balay sa doktor gilungkab
CEBU, Philippines — Kapin sa P130 mil ang nakawat sa wala pa mailhing kawatan sa usa ka balay sa Lipata-Linao, Lungsod sa Minglanilla niadtong Huwebes sa kaadlawon.
Ang biktima nga si Dr. Janette Dela Calzada nidangop sa kapolisan human nila nahibaw-i nga nakawatan sila.
Ang umagad sa biktima mao ang nakabantay nga sayo sa alas 4 sa buntag abli na ang bintana sa kusina ug gubot na ang mga butang nga naa sa kwarto.
Matud ni SPO2 Oliver Dacua nga hayan dili lang kay usa kabuok ang nakasulod sa balay.
Ang mga butang nga nakuha kasagaran mga alahas nga pulos gold, kwarta, U.S dollar bills, relo ug cellphone nga kapin sa P130 mil ang kantidad. (BANAT NEWS)
- Latest