Mangapil sa fluvial procession kinahanglang magparehistro
CEBU, Philippines — Napulo pa lang ka mga sakyanan sa dagat ang nagparehistro sa Philippine Coast Guard-Cebu aron mosalmot sa fluvial procession sa Enero 20.
Kini ang gibutyag ni Commander Jerome Cayabyab, Station Commander sa Coast Guard- Cebu nga nahinabi sa Banat News.
Si Cayabyab nanawagan sa tanang mga operator nga gusto moapil sa kalihukan sa fluvial nga magparehistro nang daan kay kutob ra sa Enero 17 ang ilang pagpanawat, tungod kay mopahigayon sila og final briefing sa petsa 18.
Sumala pa ni Cayabyab, mao gayud ang ilang problema, diin adunay mga moapil nga dili magparehistro, sama sa nilabay nga tuig, aduna lay 55 ka mga sakayan ang naka parehistro apan ang niapil sobra sa 55.
Dugang pa ni Cayabyab, para sa mga dagkong sakyanan sa dagat nga gustong moapil sa fluvial procession mahimo silang mokuha og permit sa Marina samtang ang gagmay mahimo lang mopakita og certificate of ownership lang ang ilang dalhon.
Awhag ni Cayabyab sa mga nanag-iya og sakayan nga moparehistro kung moapil kay aron masayod sila unsay mga angay ug dili angay nga buhaton atol sa fluvial procession. (BANAT NEWS)
- Latest
