Isla sa Kinatarcan himoong eco-tourism spot
CEBU, Philippines — Gawas sa "Big 5" eco-tourism destination sa Probinsiya sa Sugbo, ang Provincial Tourism Office mougmad sab og dugang clusters ug eco-tourism destinations.
Usa na niini ang luna sa Probinsiya sa Sugbo sa Isla sa Kinatarkan sa Sta. Fe.
Matud ni Joselito "Boboi" Costas, pangulo sa PTO, nga nakig-alayon sila karon sa Cebu Investment and Promotions Office.
"We will be assisting CIPO in developing Kinatarcan as eco-tourism destination. There’s a portion there that is owned by provincial government," matud ni Costas.
Wala na mohatag pa si Costas og dugang detalye sa maong property apan matud niya nga apil kini sa ilang i-develop nga tourist destination sunod tuig.
Si Costas nagkanayon nga gawas sa Argao, Alcoy, Alegria, Aloguinsan ug Boljoon, aduna pay laing lungsod diin aduna nay identified nga potensyal nga tourism destination ilabi na sa norte.
"We are developing ecotourism destination, including different kinds of tourism, adventure tourism will still be there and then leisure/business (tourism) and of course the Meeting, Incentives, Conventions and Exhibitions (MICE) tourism," matud ni Costas. (GMR) (BANAT NEWS)
- Latest
