Seguridad sa pagsugat sa 2018 palig-onon

CEBU, Philippines — Higpit pa nga palig-onon sa Mandaue City Police Office (MCPO) ang seguridad sa pagsugat sa tungang gabii sa Bag-ong Tuig.

Kini ang gipadayag ni Superintendent Jimmy Aguisanda, deputy director for operation sa MCPO, kinsa nagkanayon nga nagpadayon ang ilang monitoring sa kabarangayan sa pagpamaligya og mga pabuto ug ang paggamit niini.

Ilang himoon ang adlaw ug gabii nga checkpoint sa pagseguro nga ilang madakpan ang magpasiugda og mga ilegal nga kalihukan ug ingon ang mga magdala og hinagiban.

Gitataw niya nga naglakip sa ilang gibantayan ang magpataka og pabuto sa armas tungod kay ilang gipaningkamutan nga mahimong zero casualty ang dakbayan sa indiscriminate firing.

Niadtong Pasko gikataho nga adunay usa nga natala sa dakbayan nga biktima sa accidental firing.

Gipanghinaut nga sa pagsugat sa Bag-ong Tuig wala’y susamang panghitabo aron kahatagan gyud og katumanan ang ilang panghinaut nga zero casualty sa indiscriminate firing ug biktima sa paboto. (BANAT NEWS)