P300 mil nga kuwarta nadagit sa kawatan
CEBU, Philippines — Mipasidaan ang kapolisan sa lungsod sa Minglanilla nga dili magkompiyansa aron dili mabiktima sa pagpangawat ilabi na niining nagsingabot ang Pasko ug Bag-ong Tuig.
Giingong nagsunod ang insidente sa pagpangawat diha sa mga lugar sa lungsod ug niining ulahi lang mikabat ngadto sa P300 mil ang kantidad sa kuwarta nga nadala sa wala mailhing kawatan kinsa misulod sa usa ka balay diha sa Barangay Guindarohan sa maong lungsod niadtong Huwebes.
Ang biktima nga si Daniel Lascuña, 55-anyos nagkanayon nga gibutang nila ang kwarta diha sa locker sulod sa ilang kwarto ug milakaw siya pasado na sa alas 4:00 sa hapon.
Giingong ang biktima nauli kini pasado alas 7:00 sa gabii ug nabantayan nga abli na ang likod nga pultahan sa ilang balay.
Matud pa ni SPO2 Oliver Dacua nga wala maguba ang pultahan ug locker nga gihimutangan sa kuwarta. (BANAT NEWS)
- Latest