Vintage bomb nakuykuyan may IT Park

CEBU, Philippines — Napalgan sa kapolisan ang usa ka vintage bomb sa IT Park, Lahug, Dakbayan sa Sugbo udto sa niaging adlaw.

Napalgan kini sa usa sa mga construction sites sa maong lugar human nakubkuban sa mga trabahante ug dali kining gitaho ngadto sa kapolisan.

Matud sa tigpamaba sa Cebu City Police Office (CCPO), Superintendent Artemio Ricabo, nga natala ang alarma sa Mabolo Police Station.

Dali kini nga gipasa ngadto sa Special Weapons and Tactics (SWAT) ug Explosive Ordnance Division (EOD) nga maoy nipadayon sa pag-ugkat sa maong bomba.

Molapas sa 2,000 pounds ang gibug-aton gikan sa pagtimbang sa kapolisan.

Sa pagkakaron gihiposan una kini sa saktong lugar aron dili makabuto. Gikan niining pagsuwat, padayon ang pagproseso sa maong vintage bomb sa Philippine National Police (PNP) Crime Laboratory. (BANAT NEWS)