Talisay plaza gihimong discipline zone
CEBU, Philippines — Gihimong pilot area sa discipline zone ang plaza sa Barangay Poblacion, Dakbayan sa Talisay.
Ang pagpapauli sa mga menor de edad sa alas 10 sa gabii mao una ang gibuhat sa kapolisan ingon man barangay tanod.
Matud ni Supt. Jason Villamater, hepe sa kapolisan sa siyudad, nga ila na nga gisugdan ang kalihukan sa niaging semana.
Apan tungod sa kadaghang kalingawan, ila unang gihatagan og higayon ang katawhan nga magsuroy-suroy hangtud sa alas 12 sa tungang gabii.
Asoy pa ni Villamater nga gihimo nila ang maong programa subay sa kamanduan sa ilang labaw.
Giuna nila ang plaza sa Poblacion tungod kay naa ra kini sa ilang dapit apan sa umaabot nga mga adlaw moabot sila sa ubang barangay.
“Meron pa namang mga tao lagpas alas 12 pero yun nalang mga nasa tindahan. Para ma-minimize yu’ng mga tao na wala namang ginagawa sa lugar,” matud ni Villamater. (BANAT NEWS)
- Latest
