Pag-ayo sa kadalanan priority sa P3B
CEBU, Philippines — Nagsugod na og ila ang Department of Engineering and Public Works sa Siyudad sa Sugbo sa mga priority projects nga apilon sa pagpatuman gikan sa P3 bilyones nga i-loan sa kagamhanan sa siyudad.
Si City Engineer Josefa Ylanan niingon nga gipasugod na siya og lista sa mga lugar ug mga dalan diin iimplementar ang road concreting ug lakip na ang pag-ayo sa drainage system.
“Nahug na gyud nga miserable na gyud ang state sa atong roads. Dili na matabang kun puros asphalting lang so we need the loan para maka-fund ta sa atong concreting project,” sigun niya.
Kinahanglang unahon kadtong mga dalan nga pirmeng gamiton sa mga motorista lakip niini ang mga karsada nga guba sa downtown area ug sa ubang urban areas sa siyudad.
Kahinumduman nga nagsige na sab og pangandam ang executive department sa siyudad alang sa P3 bilyones nga loan nga gitanyag sa LandBank of the Philippines.
Matud ni Mayor Tomas Osmeña nga gamit kaayo ang P3 bilyones tungod kay daghan na kaayo siya og nadawat nga reklamo kalabot sa mga gubaon nga dalan.
Sigun ni Ylanan nga nagsige sab siya og dawat og mga hangyo nga ipaayo ang kadalanan sa nagkalainlaing barangay.
“As of now, we are using the remaining P35 million for asphalting this year. But, atong problem is nag-stop ta for pila na ka days because of the weather,” matud niya.
Dugang ni Ylanan nga iyang paninguhaon nga makasumiter na siya sa mga projects sunod semana.
Apil sa mga priority areas ang Panganiban Street, Pelaez Street Urdaneta Street, Lapu-Lapu Street, ug uban pa.
“Makatabang gyud ang loan kay social naman ni. Mao ning gipaningkamotan nga concreting kay katong na-implement nato last year and earlier this year, na washout na pud sa uwan,” matud niya
Nanghinaut siya nga masumiter ang mga dokumento aron masugdan og implementar ang mga projects sa first quarter sa 2018. (BANAT NEWS)
- Latest
