Mipatay sa uyab may warrant daan
CEBU, Philippines — Wanted sa kasong pagpanulis ang lalaking nipusil patay sa iyang hinigugma sud sa motel sa Barangay Lagtang, Dakbayan sa Talisay niadtong Huwebes sa kaadlawon sumala pa sa kapolisan. Gibutyag ni PO2 Edwin Campomanes sa Talisay City Police Station ilang nautingkay ang pagkatawo ni Jary Parba ug kini may warrant of arrest sa kasong pagpanulis.
Gani naa may mugshot si Parba diha sa Talisay City Police.
Si Parba maoy gipasanginlan nga maoy nipatay sa iyang uyab nga si Ronabeb Cabuenas, 24, taga Sitio Mananga 2, Barangay Tabunok.
Nisulod ang duha sa motel apan taud-taud niana masipang buto na ang nadunggan ug nakitang mibiya si Parba. Sunod na lang nilang nadiskubrehan nga patay na si Cabuenas sa sud sa lawak ug may samad pinusilan.
Ang cashier sa maong motel nibutyag nga nag-away na ang duha hangtud nga niresulta sa pagpatay. (BANAT NEWS)
- Latest