Usa angol sa bangga sa multicab ug van

CEBU, Philippines — Usa ang angol sa nahitabong bangga kagahapon sa alas 10 sa buntag sa Sitio Lower Busay, Siyudad sa  Sugbo.

Si Jhon Vincent Banog, 27-anyos, mao ang drayber sa multicab nga nibangga sa usa ka Nissan Urvan diin giingon nga ang drayber niini wala mailhi kay kini wala nibutyag sa pangalan ug nilakaw human na-settle lang nila ang panghitabo.

Matud ni SPO4 Nelson Jayme, hepe sa traffic division sa City Police Traffic Patrol Group sa Sugbo, nga ang kondisyon sa panahon ug blind curve mao ang posibleng hinungdan sa bangga diin nagkasugat ang duha ka sakyanan.

Si Supt. Conrado Manatad sa Mobile Patrol Group (MPG) niawhag sa katawhan nga dili moinom ug maghinay kung magmaneho ilabi na sa gihisgutang lugar kay kini gamay ra og dalan ug kinahanglan nga adunay speed limit. (BANAT NEWS)