Guwardiya sa CSBT gisuspenso

CEBU, Philippines — Gisuspenso og usa ka buwan ang usa ka personnel sa Civil Security Unit (CSU) sa Kapitolyo.

Si Jonathan “Joy” Tumulak, ang security management officer sa Cebu South Bus Terminal, ang nisang-at sa reklamong insubordination batok ni Dionaldo Delicano kinsa nadestino sa terminal niadtong Disyembre 12, 2016.

Si Tumulak nipasangil nga pirmeng mobiya sa lugar si Delicano base sa logbook sugod sa Septiyembre 29, 2016 hangtud Enero 22, 2017 nga wala’y pananghid.

Sa tulo ka pahina nga desisyon sa Committee on Discipline and Investigation, si Delicano niangkon nga matulog kini bisan siya on-duty.

Kini ang hinungdan nga siya napamatud-an nga guilty sa insubordination ubos sa Rules of Administrative Case sa Civil Service. (BANAT NEWS)