Kabataan bansayon sa basic life support
CEBU, Philippines — Bansay-bansayon sa Basic Life Support ug First Aid ang kabatan-onan isip pagpangandam sa katalagman.
Ang Philippine Red Cross (PRC) Cebu Chapter ug Department of Education (DepEd) nagpirmahay og Memorandum of Agreement kagahapon subay sa imbitasyon sa nagkalainlaing Supreme Student Government (SSG) sa mga tunghaan sa Dakbayan sa Sugbo. Matud sa representante sa PRC Chapter Service, Federico Miguel Martinez, nga gipokus nila ang mga student leaders kay sila ang tingug sa mga tinun-an ug may impluwensiya ngadto kanila.
Dugang sa schools division superintendent, Dr. Bianito Dagatan, nga giawhag nila ang tanang tinun-an nga moboluntaryo ug magtinabangay.
Lakip sa bansayon ang mga magtutudlo aron mogiya sa mga tinun-an.
Gibutyag usab sa PRC Chapter Administrator, Atty. Maria Vera Jesus, nga ang tumong sa MOA ang pag-formalize sa tanang responsibilidad sa mga tunghaan ug volunteers.
“We will ensure that we will not stop there. So, there is no time frame when to start and stop. We will continue to work,” dugang ni Jesus.
Sigun pa ni Martinez nga labing maayo nga magsugod og bansay ang usa ka bata sa grade 4 sa edad nga 10-anyos.
Sigun sab sa chairman sa Board of Directors, Atty. Allan Ouano, nga kung ang usa ka bata kahibawo sa angay buhaton kung adunay katalagman, mosaka ang salig sa iyang kaugalingon ug dili na kini mahadlok.
“We strongly advocate preparedness rather than response,” dugang ni Jesus. (BANAT NEWS)
- Latest
