Ganti di abusaran sa polis
CEBU, Philippines — Gipasalig sa Police Regional Office-7 nga dili abusaran sa polis ang ilang operasyon batok krimen bisan sa tanyag nga ganti sa kagamhanan sa Siyudad sa Sugbo sa makapatay og kriminal.
“We act accordingly based on the law. We do our job, may mohatag man og P50 mil or wala,” matud sa tigpamaba sa PRO-7, Supt. Reyman Tolentin.
Hinuon matud niya nga makapataas kini sa morale sa kapolisan.
Gipadayag ni Cebu City Mayor Tomas Osmeña nga hatagan niya og P50 mil ang polis sa dakbayan kun makapatay og kriminal isip legal assistance niini.
Matud ni Tolentin nga dako kini og tabang sa kapolisan sanglit maproblema gyud sa pinansiyal ang polis kun aduna kini atubangong kaso sa korte.
Nipadayag ang Commission on Human Rights nga adunay purohan nga abusaran kini sa kapolisan.
“Dili siya dapat isipon sa mga tawo nga ang polis mosubra ba sa pag-implementar sa balaud. In fact di man mi mamusil kun wala’y threat or wala’y imminent danger to protect our life. Ang force i-apply during operation is enough to eliminate the threat. Kung naay danger we have to apply force. Di nato malikayan naay mamatay, that is part of our job,” matud ni Tolentin. (BANAT NEWS)
- Latest
