Daycare teachers way positibo sa drugas

CEBU, Philippines — Gibutyag sa pangulo sa Cebu City Office for Substance Abuse Prevention (COSAP), Garry Lao, nga wala’y nagpositibo sa mga daycare teachers nga gipaubos sa drug test niadtong Lunes.

Sa pagkutlo niining balita si Lao niingon nga padayon nila nga gihimo ang screening sa 244 ka daycare teachers diin negatibo ang tanan.

Si Lao nagpasalamat nga wala’y nagpositibo kay kinahanglan gyud nga ang mga daycare teachers isip forefront sa barangay nga magtudlo sa kabataan nga limpyo ug dili tiggamitan og ginadiling drugas.

Ang 244 ka daycare teachers gikan kini sa 80 ka barangay sa Siyudad sa Sugbo.

“Ang atoang tumong we need to have a drug-free institution, a drug-free workplace, a community that shields from substance abuse,” sigun ni Lao.

Sama sa ubang departamento sa City Hall diin adunay mga nagpositibo, sigun ni Lao nga kadtong mga job order ug casual employees nga magpositibo sa drug test mataktak gyud sa ilang trabaho samtang ang mga regular employee dunay proseso nga sundon. (BANAT NEWS)