Nuwebe mil gipaabot modalaw sa CPDRC
CEBU, Philippines — Nisugyot ang pangulo sa Human Resource Department sa Kapitolyo ngadto sa kadagkuan sa Cebu Provincial Detention and Rehabilitation Center (CPDRC) nga walay tugotang mo-leave karong petsa 25 ug 26 atol sa family day sa mga priso.
Ang acting jail warden sa CPDRC nga si Audesti Miguel una nang nitug-an nga kulang sila og mga tawo gani ni-request siya og dugang tigbantay sa provincial jail.
Gipaabot nga sa duha ka adlaw nga family day sa mga priso moabot sa kapin P9 mil ka mga dalaw ang mobisita sa CPDRC sanglit gitugotan man nga makaduaw ang tulo ka mga kabanay sa matag usa ka priso. Ang CPDRC adunay 3, 634 ka priso.
Si Bhobby Nacorda pangulo sa HR sa Kapitolyo nagkanayon una na silang nag-hire og 15 nga watchmen sa CPDRC ug aduna pay 25 nga idugang.
Gawas sa mga gwardiya posible nilang i-deploy ang mga personnel sa Civil Security Unit (CSU) aron motabang sa pagbantay ug kon kulang gihapon mamahimong mag- volunteer ang mga empleyado aron motabang.
Si Gob. Hilario Davide III nimando kang Miguel nga magsulat sa Cebu Provincial Police Office (CPPO) aron mangayo og dugang polis.
Ang CPDRC una nang nipahibalo nga kon mamahimo dili na lang magdala ang mga dalaw og pagkaon atol sa family day sanglit ang mga priso na ang moluto niini. (BANAT NEWS)
- Latest
