Tribu Kandaya moapil sa Sinulog
CEBU, Philippines — Mohatag og P250,000 ang Kapitolyo sa Lungsod sa Daanbantayan alang sa pag-apil sa Sinulog Grand Parade 2018.
Si Daanbantayan Mayor Vicente Loot nibisita sa buhatan ni Gobernador Hilario Davide III kagahapon sa buntag aron personal nga mangayo og tabang pinansiyal gikan sa Kapitolyo alang sa maong katuyoan.
Si Loot nagkanayon nga sila moapil sa Free Interpretation category sa Sinulog diin ila kining magsilbing pasalamat sa Señor Sto. Niño.
“Thanksgiving for all the blessings that we have received despite the ups and down padayon ang government service and ask for more blessings,” matud ni Loot.
Ang hangyo nakadawat og positibo nga tubag sa gobernador kinsa nagkanayon nga mohatag ang Kapitolyo og P250 mil sama sa niaging tuig nga nangayo ang ubang mga lungsod og ayuda sa ilang pag-apil sa Sinulog.
Ang Daanbantayan uwahi kining niapil sa Sinulog niadtong 2015 diin nakuha sa Tribu Kandaya Daanbantayan ang ikalimang dapit sa Sinulog sa Kabataan sa Lalawigan. (BANAT NEWS)
- Latest
