Junior police molihok na

CEBU, Philippines — Molihok na ang 400 ka tinun-an nga sakop sa giumol nga junior police sa mga publikong tunghaan sa Dakbayan sa Lapu-Lapu sa sugo nga gitahas kanila.

Nakapanumpa na sila sa ilang kaakuhan human sa pagpaubos kanila sa pagbansay-bansay sulod sa usa ka buwan.

Dungan nga giumol ug gipaubos sab sa pagbansay ang mga ginikanan isip mga sakop sa Parent’s Brigade.

Si City Schools Division Superintendent Marilyn Andales maoy nangulo sa mass oath taking ceremony. Gitahas sa mga ginikanan ang paggiya sa ilang mga anak nga mosubay sa matarung nga dalan nga ang kadaghanan ilang mga anak.

Si Mayor Paz Radaza nga hugtanong nagsuporta sa pag-umol sa junior police nipasabot nga ilang likayan ang mga buhat nga makahatag na hinuon og kadaut sa grupo.

Buot niya nga magsilbi silang modelo sa ilang tunghaan pinaagi sa paghimo og mga maayo isip pagtampo sa maangkon nga kalambuan. (BANAT NEWS)