Police chiefs paestoryahon atol sa Misa de Gallo
CEBU, Philippines — Mga hepe sa nagkadaiyang estasyonan ubos sa Police Regional Office-7 gimandoan ni Regional Director Chief Supt. Jose Mario Espino nga mohatag og mensahe sa publiko atol sa Misa de Gallo.
“One of the plans of the Regional Director, mohatag og mensahe ang atong Chief of Police during the mass to show to the public that our chiefs of police are leading seriously and doing their job sa pagpatuman sa balaod similar sa homily. Reflections during the Misa de Gallo,” sigun pa sa tigpamaba sa PRO-7 nga si Supt. Reyman Tolentin.
Mag-deploy sila og mga sakop alang sa seguridad sa maong misa. Ang misa de gallo mao ang tawag sa misa sa katoliko nga ipahigayon matag kaadlawon sulod sa siyam ka adlaw sa dili pa ang Pasko. Magsugod kini karung Disyembre 16 hangtud na sa adlaw sa Pasko.
Miingon sab ang maong opisyal nga panahon sab kana nga moatake ang mga manglungkabay sanglit kadaghanan sa mga tawo manimba ug mabiyaan na lang ang ilang panimalay nga walay tao.
“For the churchgoers siguro di nato dapat kaligtaan ang balay labi na walay mahabilin pagsimba nila that’s the time moatake ang mga kawatan. Walay kawat nga mahitabo for those who have nobody left at home, do necessary measures like pabantayan sa silingan nga mga kasaligan or ingnon ang mga tanod,” si Tolentin midugang. (BANAT NEWS)
- Latest
