Torotot, lata ipagamit sa pagsaba-saba
Nunot usab kini sa kamanduan ni Mayor Gabriel Luis “Luigi” Quisumbing nga higpit nga gidili sa 27 ka barangay sa dakbayan ang pagbaligya sa nagkadaiyang paboto. Val Rodriguez, File
CEBU, Philippines — Gisugyot sa kapolisan ug kabomberohan sa Dakbayan sa Mandaue ang paggamit og torotot ug pagdokdok og lata isip saba-saba sa tinuohan sa pag-abog sa dautang espiritu sa pagsugat sa Bag-ong Tuig.
Nunot usab kini sa kamanduan ni Mayor Gabriel Luis “Luigi” Quisumbing nga higpit nga gidili sa 27 ka barangay sa dakbayan ang pagbaligya sa nagkadaiyang paboto.
Hinuon ang mga malls gitugutan gihapon sa pagbaligya sa mga pyrotechnics sanglit aduna man kini permit.
Tinguha ni Quisumbing atol sa pagsugat sa Pasko ug Bag-ong Tuig walay biktima sa paggamit og paboto aron labi pa gyud nga mabulukon ang maong mga adlaw.
Gitinguha sab nga dili na masubli ang nasinati sa niaging tuig nga nagdungan-dungan ang sunog sa pagsugat sa Bag-ong Tuig.
Gitahasan ang kapolisan sa pagpahibawo sa mga molupyo sa dakbayan nga gidili gyud ang paggamit og paboto. - /GMR) (BANAT NEWS)
- Latest
