Cebu City moabag pagpanindot sa Larsian

CEBU, Philippines — Tabangan sa Siyudad sa Sugbo ang Cebu Provincial Government sa pagpalimpyo ug mas monindot ang serbisyo sa mga manindahay sa Larsian.

Matud ni Mayor Tomas Osmeña nga kinahanglang tabangan sa siyudad ang probinsya tungod nahimo nang institution ang Larsian.

“Larsian is in Cebu City but falls within property owned by the Cebu Provincial Government. So, the governments of Cebu Province and Cebu City will be working hand-in-hand to bring you a cleaner, better Larsian,” sigon niya. Niadtong Biyernes, gitugutan sa mayor ang mga manindahay og barbeque, opisyales sa siyudad, ug opisyales sa Cebu Province nga mag-meeting aron sabutan ang mga umaabot nga renovations sa Larsian.

Matud ni Osmeña nga magbutang og water tank ang siyudad aron ma-maintain sa kalimpyo sa Larsian.

Ang siyudad regular nga mokolekta sa basura aron malikayan ang pagdagsa sa mga ilaga ug mga insekto sa kan-anan.

Ang Cebu City Health Office mohimo og sanitation inspection ug sigurohon nga sakto ang food handling sa mga manindahay.

“Lighting will be improved, and all vendors will be required to attend a food handling seminar to ensure the safety of patrons,” dugang niya.

Ang probinsya nagplanong ayuhon ang drainage system, pagbutang og lugar para sa parkingan sa mga sakyanan, ug uban pa.

Magbutang sab ang province og management office sa Larsian aron masiguro nga nasunod ang presyo nga nabutang sa ilang mga stalls.

Ang Larsian usa sa mga labing sikat nga kan-anan dinhi sa Sugbo ug gani makadaghan na kining nalitok sa mga sikat usab nga mga drama sa radio ug lyrics sa mga sikat nga Cebuanong mga awit. - /IBM) (BANAT NEWS)