Child-friendly LGUs gihinganlan
CEBU, Philippines — Aron pag-ila sa gihimong mga programa alang sa kaayohan sa kabataan ang Probinsya sa Sugbo pinaagi sa Provincial Council for the Welfare of Children (PCWC) mipasidungog sa mga lungsod ug dakbayan apil na barangay isip Most Child-Friendly LGU sa lalawigan sa Sugbo.
Alang sa 1st class ug 2nd class LGU, ang lungsod sa Dalaguete maoy napili nga most child-friendly nga LGU, sa 3rd ug 4th class category mao ang lungsod sa Oslob samtang sa 5th class category mao ang lungsod sa Pilar sa isla sa Camotes.
Ang Barangay Esperanza sa lungsod sa Poro isla sa Camotes mao usab napasidunggan sa barangay level.
Samtang sa city level, ang dakbayan sa Talisay maoy napili.
Ang tanang mga nakadaog nga mga LGUs nakadawat kini og tig P100,000 nga incentives samtang ang sa barangay level nakadawat og P50, 000.
Ang maong pasidungog sumala sa PCWC mao kini ang pag-ila sa “vital role’ sa mga lokal nga kagamhanan sa pag-promote ug pagpanalipod sa katungod sa mga kabatan-onan sa survival, development, protection ug participation. - /IBM) (BANAT NEWS)
- Latest